Na ka kynrum kynram pait ka JSU, mih sa ka JSU-1

Jowai, 15 Jymmang:
Hadien ba la mih ka kynrum kynram hapdeng ki dkhot bad ki nongialam ka JSU bad kane ka kynrum kynram ka la wanrah haduh u pud ba ka Jaintia Students Union kan pait arliang bad mih syndon sa ka Jaintia Students Union -1 (JSU-1) ia kaba la ialam da u Eleazer Christopher Dkhar kum u President.
Kane ka kynrum kynram hapoh ka seng ka la mih hadien ba la pynbna ia ka election bad lehse na ka daw ba ym lah ban pyniaid beit ia ka election ba bun ki dkhot jong ka seng ki la pyrshah jur bad rai ban seng noh da ka JSU-1
Ka JSU hapoh ka jingialam u Rikut N Parien ka la dep pynbna ia ka Election ban jied ia ki nongkitkam ba thymmai ha ka 13 tarik hynrei namar ba ka Election Committee kaba kynthup ia 4 ngut ki shim ia ka rai ban pynduh ia ka hok jong ki dkhot ban thep vote jied nongkitkam da kaba shah tang 20 lane 30 ngut na ki unit bapher bapher ka la mih ka jingpyrshah kaba jur hapdeng ki dkhot jong ka.
Ha ka 13 tarik ki dkhot bad nongialam ka JSU jong ki unit kiba pher bapher ki la shim ia ka rai ban thaw noh da ka JSU-1 bad mynta ha ka CEC kaba la long ha Thadlaskein ka JSU-1 ka la rai ban thung ia u Eleazer Christopher Dkhar uba jut bat kum u President ka JSU Shillong Circle kum u nongialam ba hakhlieh duh jong ka. Nalor u tei u nongialam ba ha khliehduh la jied ruh ia u Bantei Sari Vice-President, Lucky Phawa General Secretary, Deibormi Siangbood Asst-General Secretary P Pakem, Finance Secretary Deibormi Mynthoi- Organising Secretary, Jehoba Ryngkhlem Asst-Organising Secretary Robert Suja Nongtdu Education Secretary Harison Siangshai Asst-Education Secretary, Wympher Suchiang Sports & Games Secretary, Phrangki Lamare Asst-Sports & Games Secretary, W M Bareh Publicity Secretary, Mutdashisha Papang Arts & Culture Secretary, Wenly Phyrngap Discipline Secretary, Beatific Syih Office Secretary.