Na ka khusnam KBC ba T.5klur, khie ka jing sarong ha U Sunil, u shah beh ha ka tnga bad mynta u kylla long u nongdie dud

U Sushil Kumar, u dei u khlur ba pawnam ha u snem 2011, hadien ba ula ioh rah ia ka buskit kaba T.5klur, na ka jing ialehkai Kaun Banega Crorepati, ba la pyniaid da U Amitabh Bachchan.

U Kumar, hadien ba ula ioh ia katei ka khung, u don ka jingthrang ban iakhun ia ka kam IAS, nangta, u sdang sa ban pynlut maphot ia ka pisa jongu, hynrei mynta, ka pla jongu, ka la thylli lut khoit bad u shim namarkata ba ka jingjop jongu, ia ka iakob KBC, ka dei pynban, ka lynti sha ka jing pynjot ia ka jingim jongu hi.

U Kumar, ula pawnam bha haduh ha ki snem 2015-16, ha kaba u bunkam ban leit sha ki jingshah khot sngewbha bapher ha ka jylla jongu ha Bihar bad ula ong ba man u bnai, u bunkam na ka bynta shiphew haduh 15 sngi, ban leit sha ki prokram bapher bapher bad ka dei ha katei ka jingleit bunkam jongu, ba ula leh sting noh ha ka jingpule puthi.

Ym tang katta, hynrei, ula nang pynlut shuh shuh ka pisa ha ki jingtrei kam bapher bapher. Kam dei tang katta, hynrei, u sdang sa ka jing iarap pisa sha kito kiba leit ud leit nam, ha kaba u ju pynlut kumba T.50 hajar shibnai shibnai.

Halor katei ka jing iaid mon jongu bad sa ka jing pynlut phut ia ka pisa pilain, ula shah kynroi sa ha ka tnga jongu man ka por bad kaba poi syndon haduh ba kin da ia pyllait sanshyieng syndon.

Ym tang katta, ula leit sah ruh sha Delhi, ha kaba u shim wai ia ki katto katne ki kali bad kane ka pynlong ba un iaid sahuh kylleng kylleng bad ym tang katta, ula sdang bang sa ka dih kyiad ba ka dih sikret pahuh ruh.

Haba ka iaid ka ieng jongu, kam thikna shuh, kumta, ula sdang sa ka shong kput ha iing bad hangta u sa kyrni sa ka peit phlim baroh baroh shisngi shimiet bad kane ka la pynlong ia ka tnga jongu, ba kan nang ijli ia ka jinglong jongu bad shisien lei, u iathuh ba u shah beh syndon na ka kamra shongkai, ha la ka jong ka lok.

Hadien katei ka jing ia pyllait sanshyieng bad ka tnga, ula leit poi sa sha Mumbai, da ka jingthmu ban pynmih phlim, hynrei katei ruh kam iaid kam satia bad ha ka kutlad, la iathuh ba U Sushil, ula shimti noh da ka kam ri masi, ha kaba u thied ar tylli ki masi bad mynta, ula kylli long u nongdie dud bad U Sushil, u iathuh ba mynta, hadien ba ula kylla long u nongri masi, ki la sangeh noh ban khot sngewbha ia u, sha ki prokram bapher bad mynta, ula kylla long u riew marwei bad uba khlem ki paralok, khlem ki khun bad khlem ka tnga ruh.