Ka jing ialehkai hapdeng ka Argentina bad ka Brazil, la pyn sangeh noh hynnin ka miet, tang hadien ba ki ialehkai tang hynriew minit eiei.
Ki briew, na ka tnat ka koit ka khiah, ki la leit rung sha madan ialehkai, ban weng noh ia U Giovani Lo Celso bad U Cristian Romero bad U Emiliano Martinez. La iathuh ba kitei ki lai ngut ki nong ialehkai ka Argentina, ki la pynkhein ia ki kyndon iada covid, da kaba ki ai da ki kot kiba shu thok, ban ioh rung beain sha Brazil.
La iathuh ba U Lo Celso, Romero, Martinez bad U Emiliano Buendia, ki la leit sha South America ha ka taiew ba ladep, hadien ba la khang da ki bor pyniaid jong ki Club na London, ha kaba kitei ki nong ialehkai ki don.
Kitei ki nong ialehkai ka Argentina, ki dei kiba dang shu wan na UK bad kat kum ki ain jong ka Brazil, kin hap ban shong kyrpang 14 sngi ialade, mar ia rung ha katei ka Ri, hynrei, kitei kim shym la shong kyrpang satia bad ki la ialehkai noh bad kumta, ki la pynkhein ia ka ain iada covid jong katei
Phi don ban ong eiei?