Na ka jyrsih MeECL, khot ka HYC ia ki MLA

Shillong: Ka HYC Seng Kmie, hadien ba ka lap ia ki kynrum kynram bad ki jingpynshai jong kiba bun kiei kiei ha ka rukom treikam bad jingpyntreikam jong ka MeECL, jam lah ban shu sngap bad peitkai halor kine ki jingjia. Kumta da ka jingsngewkhia ka lah rai ban khot pynlong ia ka jingialang ia ki MLA, MDC, Nongmihkhmat Paidbah, ki Rangbah Shnong, ki Seng Samla bad Seng Longkmie kiba hap hapoh Sor Shillong bad khep sor ha ka 13 tarik mynta u bnai ha Shillong Polytechnic, Mawlai naduh ka por 11baje mynstep ban ia mir jingmut bad ia pyrkhat halor kine kiei kiei ki mat kiba lah ia ngi kum ki paidbah jong ka Jylla.

Na ka liang ka Seng ka lah pyrshang ban pynpoi ia ki shithi sha baroh ki MLA, MDC, Rangbah Shnong bad kiwei na ka bynta kane ka Jingialang.
Kumta lyngba une u kyrwoh, la khot la wer ia baroh ki MLA, MDC, Rangbah Shnong bad ki Synjuk, ki Seng samla, Seng Longkmie bad ki Riew Rangbah ba phin sngewbha ban ia poi lang ha katei ka sngi bad ka por ba lah buh ha ngin ioh ban ia shong pyrkhat lang halor katei ka bynta kaba donkam.