Na ka jingrem noh ka Meghalaya ha ka Sikkim, kut noh ka jingialeh ha ka Mankad Trophy

Shillong: Ha ka Vinoo Mankad Trophy match kaba dei ruh ka match kaba khatduh jong ka Meghalaya pyrshah ia ka Sikkim kaba la ialeh ha Ranchi hynnin ka sngi, ka kynhun Meghalaya kaba la i dei ba kan jop pyrshah ia ka Sikkim ha kaba ha ka kylla step jong ka jingleh kai, ka Meghalaya ka la lah ban da pynliem noh 6 ngut ki wicket tang ha ka 16 run, hynrei ka Sikkim ka la lah pat ban khie khlieh na kane da ka jingleh tyngeh naduh ki wicket ba hynniew jong ka bad ban kyntiew ia ka run jong kane ka kynhun haduh 155 run ha ka 44.5 over. Na ka liang ka Meghalaya u PM Sajntosh u ioh (2/21) bad u Bharat Gurung u ioh (2/25) katba u Gavineal Marpna (1/25) u la ioh ban pynkut noh ia ka partnership jong u wicket uba hynniew uba la kyntiew ia ka run jong ka Sikkim. Shuh shuh u Wankitlang Nongpluh (2/36) hadien ka jingshong thait jong u ha ki jingleh kai kiba la dep, myn ta u la ioh ban pyn khyl lem ia u top-scorer jong ka Sikkim kata u Ankur uba la kamai 76 run.

Ha ka kylla miet pat watla ka Meghalaya ka la lah ban pynioh ia ka run rate kaba 3 run ha ka shi over ban jop ia kane ka match hynrei na ka jing khyllem kloi noh jong ki wicket ka la duh ei ia kane ka kabu kaba khatduh ban jop ia kane ka match ha kaba ka la lah ban kamai tang 109 run ha ki 35.3 over bad khyllem lut baroh ki wicket.U Captain Kevin Christopher u dei u nong tied uba lehkai bha ha kane ka sngi da ka jingioh 41 run hynrei da ka jingiai khyllem noh jong ki wic ket ym da ioh bha ia ka jingkyrshan ba ka kynhun ka donkam ban kop ha kane ka match. Ha kane ka Trophy ka kynhun Meghalaya ka la ioh ban ialeh san tylli ki match ha kaba ka jop tang shi sien, rem lai sien bad duh ei kawei.