Na ka jingiap ki arngut ha Nagaland, pan ka sorkar jylla, da ka kaiphod jingiada kaba biang na ka NHIDCL

Kohima:Hadien ka jing hap maw ha ka 4 tarik naitung ha jan ka jaka talasi kali ha surokbah NH 29 ha Choumoukedima, u symbud myntri rangbah jong ka jylla Nagaland T.R Zeliang, u la bthah ia ka National Highway and Infrastructure Development Corporation Limited (NHIDCL),BRO bad PWD ba kin phah ia ka jing pynkhreh ia ka kaiphod kaba bniah, na bynta ka aiom lyiur ban pyntikna ia ka jing sh ngaiñ jong ki paidbah shwa ka 21 tarik Naitung.

Ha ka jingtwa maw ba dang shu jia shen, ar ngut ki briew ki la iap bad lai ngut kiwei pat, ki la mynsaw ha kaba ka kali ba ki shong ka la shah ban ha u maw ha National Highway 29.

Haba iakren sha ki ladpathai khubor, hadien ba la dep ban shong jingialang bad ka NHIDCL,BRO,PWD lem bad ki kontraktor; u Myntri jong ka sorkar Nagaland ba dei khmih ia ka tnad PWD u TR Zeliang, u la ong ba dei ban shimkhia ia ka jingshngain, ym tang ha ki bynta jong ka surok bah NH-29, Dimapur -Kohima, hynrei ha baroh ki surok ba don ha ka jylla, ha kaba u la ong ba ka jingshngain ka dei kaba kongsan bha ha kino kino ki bynta ba pyntrei ia ki surok.

“Ngi la kdew ia ki katto katne ki point kiba donkam bha kiba kine ki nong pyntrei ki dei ban shimkhia”, la iathu u myntri.
Haba kylli pat mano ban kitkhlieh ia ka jingjia ba dang shu dep ha ka 4 tarik naitung, u Myntri u la iathuh ba ka dei ka jingleh jong ka bor mariang.
U Zeliang u la pynpaw ruh ba ka NHIDCL, ka dei kaba pyntrei ia katei ka surok bad kam dei satia kaba shemphang. U la ong ruh ba ka jingjia ba dang shu dep shen kam dei satia ka ba jia ha ka sien ba nyngkong, hynrei ki la don pat kiwei ki jingjia ha kaba saw tylli ki kali ki la shah pynjot bad u nongtrei u la mynsaw jur, na ka jinghap jong u maw ha kitei ki bynta.

Haba iadei pat ba ka shithi ba la phah da ka State pollution control board, u Myntri u la ong ba ka shithi ka dei tang ban pynduna ban pynbthei bom siat maw, namar ka lah ban ktah ia ka mariang bad ka pynmynsaw ia ki nongleit nongwan bad ki kali.U la bthah ruh ia ka NHIDCL ba kam dei satia ban kylli ia ka sorkar jylla, ban ai jing shngaiñ, hynrei ki dei beit ban leh ia ka kamram ba ki dei ban leh.
U la ong ruh ba ka kyrteng jong ki kontraktor ba pyntrei ia ki surok, dei ban buh ha ki sain board ia ka jingtrei ba ki pyntrei ha ka surok bah ha jylla Nagaland.

U la pynkynmaw ruh ba ki ophisar, kino kino ki tnad ba pyniasoh bad ka sorkar la ai bor ba ki dei ban leit jngoh ia ki surok ba la pyntrei, namar ki hap ban shim jingkitkhlieh ba ka surok la long trai da ki paidbah jong ka jylla.