Shillong,16 Nailar:
Ka kyrsiew thiah jong ka KSU kaba la long dang ha u bnai Iaiong ba ladep, lehse ka la pynpei shkor ia ki dkhar bad ki bar jylla kiba la duh la um ki tiar die jong ki ha katei ka sngi ha kaba mynta ka sngi ka sngi ba la pynlongia ka jingiakhih ILP, kitei ki dukan ki la khanglut khoit naduh mynstep haduh ban da poi ka janmiet.
Bunsien haba long kum katei ka jingiakhih ki bar jylla ki khein sting bad kim salia, hynrei naduh ki jingjia kiba la mih ha ka ka kyrsiew thiah bun na ki dukan ki la bat shkor ban khein sting ioh poi pynban sha ka jingduh kaba bunshah.
Haba ia kren bad uwei na ki nongdie jingdie ha Khyndailad ka dukan kaba die ia ki mar-rem dor kum ka Mobile Phone, Lap Top,TV bad kiwei ,ki tiar Electronic u la ong ba “Kam myntoi ba ngin plie dukan bad ban ioh nong da ka san ne hynriew hajar shi sngi katba lada jia ba kawang maw ne pynduh ngin duhnong pat da ki lak tyngka” ong utei dkhar uba la ban jur ruh ba khamlah bangin ai shuti ia ki nongtrei ban duh nong shih ajar shisngi ban ia kaba duh da ki lak tyngka.
U Rupang u la iaid lut ia ki thain Khyndailad ban twad jingmut na ki nongdie dukan hangtei khamtam na ki bar jylla kumno kisngew halor kane ka ILP ba la dawa na ki sengbhalang hynrei kaba sngewsih ka long ba baroh i dukan dkhar ki la khang khyrdep lut tang ki dukan Khasi kiba plie hynrei don pat katto katne na ki kiba la plie tang shiteng ryngkat ka jingkhynniu khriat.
Phi don ban ong eiei?