Na ka jingbthei kaba jur, khlad u rangbah ha shen, ha Smit

Shillong: Mynta ka sngi, ha ka por 12 baje shiteng sngi, ka la don ka jingbthei kaba jur bha ha Lumkynsai, Smit bad ha katei ka jingjia, u bah Pynsuklang Khongwir (38), u khun ka kong Thirmai Khongwir, uba pang khrew, ula khlad noh ha katei ka jingjia. Ka jingbthei ka jur bha bad ka la pynjulor ia ki kamra jong katei ka iing, kaba don ha ka kamra kaba sha trai duh. La iathuh, da kiba ha iing, ba utei uba iap, u dei uba shah sumar na u shyieng budlum la ar bnai mynta bad u dei uba la shu thiah beit ha jingthiah, na ka jingpang kaba jur. La iathuh ruh, ba utei u briew, ula pyrshang, kham mynshwa, la arsien, ban pyniap ialade.

Ha ka jingtohkit, la lap ia ki daw, kiba ialam sha ka jingbthei jong katei ka iing bad ki pulit, kiba tbit ban tohkit, halor ki kam bthei bom, ki dang buddien halor katei ka jingjia.