Na ka ia kajia kam pud bad ka Assam, da ka jingiakhih ha ka 19 Naitung

Aizawl: Namar ka jingbymlah ban leh eiei ia u pud u sam ha Assam-Mizoram, ka Mizo Zirlai Pawl (MZP) haka sngi Balang ka la pynbna ban pynlong ka jingiakhih paitbah ha ka 19 tarik Naitung.
U president ka MZP u L Ramdinliana Renthlei u la ong, “Wat haba la ai por lai taiew,ym shym don jingpatiaw eiei na ka core committee ba la thaw daka sorkar Mizoram ban peit iaka tei ka mat”.
U la iathuh ba u la ia kynduh ia u Myntri rangbah ka Mizoram la arsien arwat bad ia u myntri poh iing ymlah niew shuh, pynban ym poi shaei shaei ruh, watla kane ka kam ka la sah pohdeng la slem bah.
Ha u Lber 2018 ka jingeh ka la jia ha Zophai marjan ka nongbah Bairabi ha khappud bad ka Mizoram-Assam, haba ki dkhot ka Mizo Zirlai Pawl (MZP) ki la shna ia ka sem rieh tngen hangtei.Ha kaba ki khynnah skul bad ki nongthoh khubor ki la mynsaw jur namar ka jing shoh jingbom da ki pulit ban pynpra ia u paitbah.
Kumjuh ka jing iakhih ba khamrit ka la mih ha ka 6tarik Naitung mynba ka tnad khlaw jongka Assam ka la knieh bad shong ha ka iing barim jong ki pulit pahara hajan ka Lailapoor.
Ki dkhot ka MZP ki la dawa ia ka sorkar ban pynkynriah noh ia ki heh sorkar ka Assam na ka tei ka jaka naduh ka 17tarik Naitung mynta u snem, lem kumta kin mad iaka jingiakhih ha ka 19 tarik Naitung 2019.