Ka khlam corona virus, ka la buh ia ka jingeh kaba khraw ia ka Thailand ha kine ki sngi bad ka daw, ka long namar ba ki shrieh kiba don ha katei ka ri, kim don jingbam shuh ban bam bad mynta, ki la sdang ban leit khura ia ki iing briew, ban ioh tuh jingbam na ki duli lane ki ryngien jongno re jongno.
La iohi ruh ia ki shrieh ba ki iaid sahuh ha surok bah bad khongngoid sha ki jaka ba don jingbam ban ioh bam.
Kane ka jingjia, ka la pynlong ia ki doktor jong katei ka ri, ba kin sdang sa ka jing sumar ban pyn lyngki noh ia ki shrieh shynrang, ba kin nym kharoi than ki shrieh ha ki sngi ki ban sa wan.
Ha kane ka taiew ba ladep, ki la ioh ban pynlyngki ia 200 tylli ki shrieh khlaw, ong U Suwar Suksiri, uba dei na ka Thung Tale Wildlife Conservation, ha kaba u iathuh ba kitei ki dei ki shrieh kiba ju leit rung ruh sha ki iing briew ban tuh jingbam ha ka jylla Songkhla.
Ym tang katta, la iathuh ba kitei ki shrieh, ki la sdang sa ka ia bam doh para ma ki bad katei ka dei ha ka jing ia knieh jingbam lane ka jing ioh jingbam duna, na ka jing sangeh ki briew ban leit kai sha ki jaka shang kai pyngngad kiba don ha katei ka Ri.
Da poi leh sa ia ki briew kumne ruh mo!