Na ka ‘Corona Virus’ pynlyngkot noh ia ka dorbar mang tyngka ka jylla

Shillong: U shongknor ka iing dorbar thawain ka jylla Meghalaya u bah Metbah Lyngdoh mynta ka sngi u la pynbna ba ka dorbar mang tyngka ka jylla kan long noh tang ha ka 19 tarik Lber 2010 kum shibynta ban tehlakam ia ka jing saphriang ka jing pang ‘Corona Virus’ ne COVID-19.

Ia kane ka rai la shim hadien ka jingialang ha kamra u shongknor ka iing dorbar thawain ha ka jing ia don ryngkat lang da u myntri rangbah ka jylla u Conrad K Sangma, u nongialam ka liang pyrshah u Dr. Mukul Sangma, u symbud myntri ka jylla u Prestone Tynsong, myntri ka koit ka khiah u A.L Hek bad ki MLA kiba kyntup ia u Balajied kupar Synrem, bad u Charles Pyngrope.

Kumban shu pynkynmaw, ia ka dorbar mang tyngka ka jylla Meghalaya la pynbeit ban long naduh 13 tarik haduh 23 tarik lber 2020.
Lah ban kdew ruh ba ka sorkar Meghalaya lyngba ka tnat pule puthi ka jylla ka la pynmih ka hukum ban khang lut ia ki jaka pule kynthup ia ki skul bad ki kolej hapoh ka jylla.