Shillong: U General Secretary ba rim jong ka Khasi Student Union (KSU) , u bah Auguster Jyrwa un ia khun ia ka elekshon MDC 2019 na Jaiaw konstitwensi na ka seng Congress. Ia kane la pynbna paidbah da u President jong ka 18th West Shillong Block Congress Committee u bah Rishan Rapsang. La mynjur ban phah ia ka kyrteng jong u bah Auguster Jyrwa da ki ar tylli ki Block jong ka Congress kata na 18th West Shillong bad na 17th North Shillong konstitwensi ha ka jingialang jong ka seng Congress kaba la long ha ka 30 tarik u naiwieng ha Jaiaw Langsning. Lah ban kdew ba u bah Auguster Jyrwa u la shongthait na ka KSU dang ha kane ka samoi treikam kaba dang shu dep shuwa ba u samla Donald V Lyngdoh un shah jied ia ka kam General Secretary, u bah Auguster u la bat ia ka kam General Secretary ha ka por ka jinglong President jong u bah Daniel Khyriem.