NA EGYPT SHA EUPHRATES

AIS Suja

Na Egypt sha Euphrates (Iuphratis) .Kane ka dei ka jingkular jong u Blei iaki khun Israel, naduh kaba sdang u Blei u la ong ha u Abraham –“Ha u symbai jong me nga la ai ia kane ka ri (ri Israel), naduh ka wah ri Egypt haduh ka wah bah,ka wah Euphrates” Genesis15:18. Ia kane ka jingkular,u Blei un sa pyndep haki sngi ban sawan.

Kumba ka long mynta, ka hima Israel ka don iaka area kaba rit tang 20 hajar square kilometer tam, kham rit iaka jylla Meghalaya.Hynrei u paid Israel u la roi shi kat dei eh namar bun ki la ia wan phai na kylleng sawdong ki ri pythei ter shiter haduh mynta bad ka jingbun briew u paid Israel kala long 8 million tam mynta bad kala long khapngiah ia kiba kin ia shong shnong. Ka ktien u Blei kala dep iathuh lypa halor kane naduh ba sdang namar u Blei u long uba tip ia kaba kut naduh kaba sdang.Isaiah 46:10.

U Blei u la dep ong lypa shaphang ka jingwan phai pat bad iaka jingsakma ki Israel naduh kaba sdang.U Blei u ong_ “To tip shisha ba u symbai jong me (Abraham) un long nongwei haka ri ka bym dei ka jong ki, kin shakri ruh iaki bad kin ia pynshitom iaki 400snem. 400 snem ki sdang naduh u 397B.C bad kut ha u snem 3B.C. “Hynrei ha kaba saw pateng bynriew kin ia wan phai pat shane (sha Israel)” Genesis 15:12-16. Ka mut naduh kaba saw pateng bynriew ba ki Israel ka la sdang ban ia leit phai pat sha ki ri ki kpa tymmen jong ki hyndai ter ter haduh mynta. U paid Israel ula nang iabun, ka sorkar Israel mynta kala sdang ban jurip iaki pud ki sam wat la bun na ki Arab Middle East ki ialeh thma iaki hynrei u Blei un pyndep Ia kaba ula kren. U Blei u ong – “Nga la kren, te ngan pyndep ruh iaka: Nga la thmu, Ngan leh ruh ia kata”. Isaiah 46:11. Ymdon u briew ne ksuid uba lah ban khang ia ka mon jong u Blei. “Phyrkhat ia ka kam u Blei namar u ei U BA LAH BAN PYNBYNBEIT IA KATA KABA ULA PYNKDOR? Eklesiasties7:13. Ha ka juh ka rukom uei u ba lah ban pynkdor ia kaba u Blei u la pynbeit?

Namar kata, mynta ka la poi ka por ba u Blei un ai noh haki Israel ia kaba ula kular, kata ban pynheh iaki pud ka hima Israel na duh ki wah ka ri Egypt na mih ngi haduh ki wah Euphrates sha sepngi te kan long ka hima kaba khraw kein. “te ki paid Israel kin ioh leit sha la ki kpa ha ( Israel) haka jingsuk”. Genesis15:14. Yn jia aiu tang shu pynheh iaki pud ki sam ka hima Israel? Ki ri Arab baroh kin ieng ialeh pyrshah, kan don ka thma ba khraw ha pdeng ka Israel bad ki ri ki thma pyrthei. Ka Israel hangta kan ieng marwei namar u Blei ula dep ong – “Pha (Israel) long ka sdie iapom bad ki atiar ialeh thma jong nga”.Jeremaiah 51:20. Ka thma kan khie ka Israel kan pynlwet iaki ri ki hima kiba hiar thma pyrshah iaka. Ha kata ka por ymdon UNO shuh ba lah ban pyniasuk, hynrei un mih u briew ka pop u mrad khlaw kein ban tyrwa jingiasuk(Peace treating). Ka Israel kan ia suk tang lada kan ioh ban pynieng Temple ha Jerusalem ha Temple Mount.

Ka por ka iaid mynta ban pyndep iaki jingthoh ka ktien u Blei. U Blei un ai beit ia kaba u la kular iaki Israel. Kata, ban pyniar iaka hima Israel naduh ka wah ka ri Egypt haduh kawah bah Euphrates kein. Genesis 15:18. Ia kine kiei kiei lah ban peit lyngba ka map jong ka pyrthei(world Map) iaka Israel ba mynta bad ka ban sawan.U Blei u long uba khraw. “Nga,Nga long u Blei ymdon uwei pat.Nga long u Blei,,ymdon uba kat nga”. Isaiah 46:9.

Na Egypt sha Euphrates.Kumta kiei kiei kiba jia ha Israel ka ktah iaka pyrthei baroh kawei.

Amen.