Na dong mihngi, wan ki nongrwai matlah; U Bah Elbarwell na Shillong

Shillong,10 Risaw:
Shi bynta kum ka dak ka jingrakhe ia ka sngi ki matlah ka North Eastern Services of All India Radio, Shillong ka la pynlong ia ka tamasa ia rwai bad ia tem ia put mynta ka sngi ha Aurobindo Hall, Shillong. Ha katei ka tamasa bun ngut ki samla na ki jylla ka Thain Shatei Lam Mihngi ki la wan ban ia shim bynta bad ban pyni ia ki sap rwai jong ki , ki samla na ka jylla Arunachal Pradesh, Assam, Mizoram, Nagaland, ki la wan ban ia shim bynta kynthup ki nongrwai matlah na Shillong u Bah ElBarwell Nongkhlaw , Rosa Wahlang bad L Sailo na Jyoti Sroat School , Shillong bad ka Sankira Laloo bad ki para na Jowai .
Ha katei ka tamasa ki samla ki la pyni ia la ki jong ki sap rwai kiba u Blei u la ai kyrpang ha ki, hakaba ki sur jingrwai jong ki ki long kiba sngewih bad kiba sngew myllung ban sngap ryngkat ka jing pyniahap sur bad ki jingtem kum ka kaitar, key boards, piano bad kiwei pat ki tiar tem. “Haba sngap ia ki jingrwai jong ki kim ia pher eiei ruh na kito ki briew kiba lah ban iohi” ong ki nong peitkai ha katei ka tamasa.
Haba kren kum ka kongsan ka kong G. Dkhar ka Bethany Society
u la ai khublei ia ka All India Radio, Shillong na ka bynta ka jingpynlong ia katei ka tamasa rwai ki matlah bad u la ong ruh ba ka long kaba donkam haduh katta katta ban ai mynsiem ia ki ba kin nang shlur ha ka sap ba ki don.Ka kongsan ka la ong ruh ba don ki briew ha ka imlang sahlang kiba niew poh ia kum kitei ki briew kiba matlah ha kaba bunsien la iohi ba ki ju leh kumba kynjing bad isih kumba ki sma iwtung eiei ban ia jan bad ki.
Ka symbud kongsan ka Dr. Jenny V. Basai wawmoit kaba la mih khmat na ka Bansara
Eye Hospital, ka la pyntip ba 80 na ka shispah ki jingpang khmat ki dei kiba lah ban pynkoit , ka la ong ruh ba ki sur rwai jong kitei ki samla matlah ka la pynjah thait ia ka khamtam haba la treikam baroh shisngi. Ka Dr. Basaiawmoit ka la iathuh ruh ba ka NES, AIR Shillong, ha ryngkat ka jingiatreilang bad ka Bansara Eye Hospital, ki la pynlong ruh ia ka jingsumar khmat ei ha katei ka sngi. Ha katei ka sngi la ia donlang ruh ka Deputy Director General (Progamme) ka NES, AIR Shillong, ka kong N. Shadap.