Na 8 ngut ki nongtuh thuk thuk ba shah kem ha ki pulit Jorabat, 5 ngut ki dei na Ri Bhoi

Nongpoh: Mynhynnin ka janmiet ki Pulit Assam lyngba ka Jorabat Outpost, ki la kem ia ki 8 ngut ki briew kiba shah la kynnoh donkti ha ki kam tuh thuk thuk ha kylleng ki jaka jong ka Jylla Assam bad Meghalaya.

Na kitei ki 8 ngut kiba la shah kem noh ha ki Pulit Assam, 5 ngut ki dei na Ri Bhoi, 2 ngut na sonapur bad uwei na Majuli, ha kaba hadien ba la ïohkem ïa kitei ki 8 ngut, ki pulit ki la ioh kurup 3 tylli ki thuk thuk na ki.

Kitei kiba la shah kem ki kynthup ia u Harish Das, Dipu Teran, kiba deo na sonapur, U Dibyajyoti Shaw na Assam, bad U Shemphang shadap, u Maldini Shangpliang, U Banrap Malai, U Jodamin Malai bad U Vicky Malai.

Hadien katei ka jingiohkem pulit ia kitei ki 8 ngut, ki pulit kin dang pynlong ia ka jingtohkit, na ka bynta ban lap ia kiwei ruh kiba donkti ha katei ka kam tuh thuk thuk.