Shillong:Mynhynnin ka sngi, na ka liang u Dr N Mozika, DSGI, ula pyntip ha ka Meghalaya High Court, ha kaba ki don 492ngut ki sakhi bad na kitei, la dep ban shim jingtohkit ia ki 29ngut, kiba don bynta ha ka jingthungkam nonghikai beain bad haba la iakren biang, la shim ba yn lah ban weng noh ia 200ngut ki sakhi bad yn shim tang ia kito kiba tip kham bha, ha kaba iadei bad katei ka kam thung nonghikai beain bad mynta yn hap ban tohkit, tang ia ki 292 ngut ki sakhi, ba kynthup ia ki 29ngut kiba la dep ban tohkit bad katei ka kam, ka dang sah mynta ha ka jingmynjur jong ka CBI na Delhi.
Na ka bynta jong ka jingiaid stet jong ka jingtohkit, la donkam ruh, ba uba shah kynnoh, u dei ban ai da ki kyrteng jong ki sakhi, kiba donkam bad katei ka mukotduma bad ia mynta ka jingtohkit, kan sahteng shwa katto katne por, kat haduh ba ka CBI, kan pynbiang ia ki sakhi kiba thikna, kiba don jingiadei bad katei ka jingtohkit bad la buh por, ha ka 9tarik Iaiong 2025, na ka bynta ban shong bishar biang, halor katei ka jingthung kam nonghikai beain.
U S Khurshid, u riewsaid rangbah, uba mihkhmat na ka liang jong ka kong Ampareen Lyngdoh, ula sdang ban iasaid halor ka Section 482 jong ka Criminal Procedure Code, hynrei ka jingiasaid jongu, kam pat kut satia.
Lah ban pynkynmaw, ba kane ka dei ka mukotduma, kaba iadei bad ka jingthung nonghikai beain ha ki skul Lower Primary, kaba la jia ha u snem 2017.
Phi don ban ong eiei?