Na 379 ngut ki kyrtong ba thep kyrteng, 4 ngut ki shah kyntait

Shillong:Mynta ka sngi la pynlong ïa ka jingbishar bniah ha kaba ïadei bad ka jingthep kyrteng ki kyrtong ha baroh 60 tylli ki konstitwensi ha ka jylla ha ki 12 tylli ki District ban ïa khun ïa kane ka MLA ilekshon ka ban long ha ka 27/2/2023 ki don 379 ngut.

Na kitei kiba la thep kyrteng 375 ngut kiba la shem ba ki long kiba biang bad 4 ngut kiba la thep kyrteng kila shah kyntait, kiba la shah kyntait ki long 3 ngut ki shynrang bad 1 dei ka kynthei. Kiba la shah kyntait 3 ngut ki dei na East Jaiñtia Hills bad 1 na West Jaiñtia Hills District.
Ka jingkyntait ïa kine ki saw ngut kiba la thep kyrteng ki long ba ki dei kiba la shu pynïeng kai ïa ki, lai ngut ki dei jong ka NPP bad 1 dei jong ka UDP. Na kitei ki 375 ngut, ki shynrang ki long 339 ngut bad 36 ngut ki dei ki kynthei.

Ka sngi ba khatduh ban weng ïa lade na ka jingïakhun kan long ha ka 10/2/2023 lada ki kyrtong ki kwah ban weng ïalade.
Ïa ka jingdon ki kyrtong ban ïakhun ïa ka MLA katno ki don yn sa ïoh ïa ka jingkheiñ ba thikna hadien ka 10/2/2023.