Na 27 hajar ki samla, tang 20 ngut kiba ioh kam sorkar rKiba buh kyrteng ha Employment Exchange

Shillong, 17 Jylliew:
Haduh 27 tam ngut ki samla kiba leit buh kyrtengha ophis jong Employment bad kane ka long naduh ka 1 tarik Kyllalyngkot 2014 haduh ka 31 tarik Nohprah 2014.  Katkum ka jingtip ba la ioh na ophis jong ka Directorate of Employment & Craftsmen Training, ka jingdon jong ki samla ki ba la buhkyrteng baroh ki long 27,908 ngut ha kane ka jylla.
Napdeng kine 27,908 ngut ki samla, tang 20 ngut kiba dang ioh kamsorkar haduh mynta bad ki bym pat ioh kam baroh ki don haduh 37,933ngut.
Ki samla kiba buh kyrteng na bynta ban ioh kam ki long ha East Khasi Hills District ki don 12,056 ngut, 17 ngut ki la ioh kam bad 13,649 ki bym pat ioh.
Ha West Khasi Hills District ki don 1909, 2611 ngut kibym pat ioh kam, ha South West Khasi hills District ki don 127 ngutbad 136 ngut ki bym pat ioh kam, ha West Jaintia Hills District ki don5620 ngut bad 7574 ngut ki bym pat ioh kam sorkar.
Ha East Jaintia Hills district ki don 3290 ngut, 2 ngut ki la iohkam bad 3764 ngut kim pat ioh kam, ha Ri Bhoi district ki don 110 ngutbad 2233 bym pat ioh kam.
Katba ha South Garo Hills District ki don 129 ngut, 1 la ioh kam bad163 ngut pat ioh kam, East Garo Hills District ki don 1117 ngut bad2198 ngut ki bym pat ioh kam, North Garo Hills District ki don 1977ngut bad 3503 ngut bym pat ioh kam, West Garo Hills District ki don 995 bad 1296 ngut bym pat ioh kam, South West Garo Hills District ym shym don ba buh kyrteng haduh mynta.
Ka tnad Directorate of Employment & Craftsmen Training ka la ong baka jingbuh kyrteng ka long ia baroh khlem da niew ia ka kyrdan pulehynrei mano mano ba la dap 14 snem ka rta, lah ban buh kyrteng ha kaneka tnad.
Kane ka tnad ka ju ai jingai jinghikai ia ki samla kiba la wan buhkyrteng ha ki jait kam bapher  bapher bad ka btin lynti ruh ia kisamla ban shah hikai seng kam seng jam.
Ka ju pynlong ruh ia ka jingai jinghikai ia ki samla ha ka jait kambapher bapher kum ha ka plumber, electrician, dress making,beautification, stenography bad kiwei kiwei.  Ka tnad ka ju kyrshanruh ia ki samla ban leit shah hikai hapoh bad shabar ka jylla ha kijait kam bapher bapher ba kynthup ia ki jait jingshah hikai naduh 6bnai haduh kaba 3 snem ruh.
Hapoh ka skhim Craftsmen Training Schemes kane ka tnad ka la aijinghikai haduh 3275 ngut ki samla hapoh kane ka san snem kata naduhsnem 2010 haduh 2014.
Katba kiba shah hikai ha ka SDI Scheme ki don 5251 ngut bad baroh kila ioh kam lut, la ong ka jingtip ba la ioh na ka Directorate ofEmployment & Craftsmen Training.