Mynta yn tip ia ka rai jong u paidbah mano ban long MDC

Shillong, 26 Rymphang:
Ia ka nusip ka jop ka rem jong ki 212 ngut ki kyrtong jong ka KHADC-123 bad JHADC-89 yn sa tip lashai ka sngi Palei da ka jingniew ia ki vote naduh ka por 8 baje mynstep.
Ka tnad district council affair ka la pyn biang ia ki bor pahara na ka bynta kane ka sngi niew vote ban kiar na kano kano ka jingjia.
Ha Shillong, ka jing niew ia ki 15 tylli ki con stituencie kiba hap ha East Khasi Hills yn long ha JN Sports Complex, Polo.
U District Election Officer (DEO) ka East Khasi Hills u la iathuh ba ka jingniew ia ki vote na ka bynta ka Sohryngkham, Mawkynrew, Nongkrem, Lyngkyrdem-Laitkroh, Nongshken, Mawsynram, Mylliem, Laban-Maw prem bad ka Nongthym mai kan long ha Indoor stadium, JN complex, Polo.
Ka jingniew ia ka vote na ka bynta ka Laitumkhrah-Malki bad Mawkhar-Pyntho rumkhrah kan long ha Dalang katba ka jingniew ia ki vbote na ka bynta ka Jaiaw, Mawlai, Maw phlang-Diengiei bad ka Nongspung-Sohiong kan long ha ka Training Hall, JN complex.
Ha kajuh ka por ka jingniew ia ki vote na ka bynta ka Shella bad ka Sohra constituency yn long ha ophis u Sohra Division Officer (SDO).
Ha kajuh ka por ka jingniew ia ki vote na ka bynta ka Nongstoin, Rambrai-Jyrngam bad ka Mawthengkut haWest Khasi Hills kan long ha Nongstoin katba ka jingniew ia ki vote na ka bynta ka Langrin bad ka Mawkyrwat yn long ha Mawkyrwat.
Ka jingniew ia ki vote na ka bynta ka Mawtharaishan-Pariong bad Mairang kan long ha ophis u Mairang Civil Sub Division ha Mairang.
Ka jingniew ia ki vote na ka bynta ka Jirang, Mawhati, Umroi, Umsning bad ka Nongpoh ha Ri-Bhoi district kan long ha Nongpoh.
Kumjuh na ka bynta ki 20 tylli ki constituencie ha West Jaintia Hills yn niew ha Jowai katba 9 tylli ha East Jaintia Hills yn niew ha Khliehriat.
Kane ka jingmih lashai kan long kaba donkam bha ia ki seng sain pyrthei khamtam ia ka UDP bad ka Congress kiba pynkhreh na ka bynta ka elekshon MP shen.
Ka Congress ka la pynieng ha ki 29 tylli ki constituency ha KHADC bad JHADC, ka UDP ka pynieng 29 ha KHADC bad 16 tylli ha JHADC. Kiwei ki long ka HSPDP (20), NCP ( 4), NPP (1), KHNAM(13) bad Independent 27.
Ha JHADC, ka NCP ka la pynieng 3 ki kyrtong bad ka HSPDP 5 ngut.
La don 36 ngut ki kyrtong shimet ha JHADC.
Ka jingmih jong ka rai lashai ka long ruh kaba donkam na ka bynta khyndai ngut ki MLA kiba iakhun MDC.
U kyrtong ka Congress Bah HDR Lyngdoh (Nongspung-Sohiong), u Chief Executive Member ka KHADC Bah Pynshngainlang Syiem (Mawsynram) bad Stephanson Mukhim u Independent (War-East), u MLA ka HSPDP u Bah Ardent Basaiawmoit (Nongkrem) bad u Bah Phlastingwell Pangniang na Rambrai- Jyrngam) , U Bah Sanbor Shullai (NCP) na Laban-Mawprem, U MLA ka UDP Bah Remington Pyngrope ( Mawkynrew), Bah Metbah Lyngdoh (Mairang-Nongkhlaw) bad u Bah Titosstarwell Chyne-UDP(Sohra)