Mynta yn thep kyrteng MDC ha Sohra bad Mawkyrwat

Shillong,4 Rymphang:
Kumba ju long manla ka elekshon ki kyrtong kiba ia khun ha ka elekshon ki hap ban leit thep kyrteng ialade ha ophis u Deputy Commissioner ne ha ki sub-Division jong ki , lashai ka sngi , ka 5 tarik u rymphang ka dei ka sngi ba ki kyrtong kiba thmu ban ia khun ha ka elekshon MDC-2014 ki hap leit ban thep kyrteng ialade, ka jingthep kyrteng kan sdang naduh ka por 11 baje ter-ter. Ha Sohra sub-Division ki don ar tylli ki konstitwensi, kiba ki kyrtong ki hap ban leit thep kyrteng , ka Sohra bad ka Shella Konstitwensi katba ha Mawkyrwat kaba don don ar tylli ki konstitwensi ka Langrin bad ka Mawkyrwat ka jingthep kyrteng kan sdang naduh lashai hi ka sngi.
Lah ban pynkynmaw ba ha Sub-Division Sohra ki don haduh 8 ngut ki kyrtong ki ban thep kyrteng, 4 na Sohra bad 4 na Shella.Na Sohra u Bah Donevan ka Congress, u Bah Titos W.Chyne ka UDP, u Bah Rangphlang Khongwet, kyrtong shimet bad u Bah Batista Khongphai ka HSPDP. Na Shella u bah Pynthymmaibor Chyne ka Congress, u Bah TeinWell Dkhar ka UDP, u Bah Bantyngshain Rynga, kyrtong shimet, u Bah Pyndap Saibon ka KHNAM.
Ha Mawkyrwat, na Langrin Konstitwensi u Bah Airmarshall Diengngan, kyrtong shimet, u Bah Mansturdy Nongrem ka Congress, u Bah Mighter Marwein kyrtong shimet, Bah Lamphrang Kharbani kyrtong shimet bad u Bah P.K Raswai ka UDP, kumjuh ruh ki kyrtong na Mawkyrwat Konstitwensi.