Mynta yn sdang ka SPL, hapdeng ka Wahingdoh bad ka Lajong

Shillong, 7 Jylliew:
Ka jingialehkai jong ka U-19 Shillong Premier League Football Tournament 2013 kan sdang lashai ka sngi ha ka por 4 baje janmiet ha JN Sports Complex, Polo.
Ha kane ka sngi sdang, ka Royal Wahingdoh FC kan ia aireng pyrshah ia ka Langsning FC.
Lah ban kdew ba kine ki kynhun ki dei kiba la paw bha ha ki jingialehkai hapoh ka Jylla bad kiba la shim bynta ha ki bun ki lympung ialehkai ka jylla.
Ha kajuh ka por na ka liang ka SSA, ka la pyntip ba ia ki tiket yn die ha ka dor T.20 na bynta ka open Gallery, T.30 na bynta ka coever Gallery bad T.50 ia ka cover Gallery kaba don shuki.
Ia ki tiket lah ban ioh na ka jaka die tiket ha ground No-1 bad na ka gate ban rung na Saw Furlong bad la pyntip ba kan ym die tiket ha khmat madan gate JN Stadium. Ka tiket ba kyrpang ha ka dor T.500 ka dei na bynta baroh ki lympung ialehkai ka SSA mynta u snem.