Mynta yn pynsmai ia ki MDC thymmai ka KHADC

Shillong, 22 Nohprah:
Lashai ka sngi ka 23 tarik u nohprah u nong bishar ka District Council Court (Judge) un pynbam smai ia ki MDC thymmai ka KHADC kiba dang shu jop ha kane ka elekshon shiteng samoi kaba dang shu long shen. Haba ia kren bad u Chairman ka KHADC u bah L.G Nongsiej u la ong ba ka por bam smai kan dei ha ka por 11 baje mynstep bad yn pynbam smai da u Judge ka District Council Court. Katba ha JHADC pat yn pynbam smai da u Chairman ka JHADC lashai ka sngi u MDC na War East u bah Lamdibok Sumer.
Lah ban kdew ba ki don 6 ngut ki MDC ba thymmai ka KHADC ki ban shah pynsmai lashai ka sngi bad kitei ki kynthup ia u bah Samlin Malngiang ka HSPDP na Sohiong konstitwensi, u bah H.S Shylla ka UDP na Nong krem konstitwensi, u bah Ricky Shullai ka NCP na Laban-Mawprem konstitwensi, u bah Blanding Warjri ka HSPDP na Mawthad raishan konstitwensi, u bah Equator Nongrang ka UDP na Mairang konstitwensi bad u Kimfa Sidney Marbaniang ka Congress na Rambrai konstitwensi.