Mynta yn pynmih hukum ka High Court, halor ka thungkam MPS

Shillong,25 Risaw:
Ka Meghalaya High Court kan pynmih hukum noh lashai ka sngi balang jong ka tiew halor ka jingkynnoh ba la leh tuh ia ka jingthung kam ha ki 34 tylli ki kam jong ka Meghalaya Police Service Officer. Ka high Court kan pynmih ia kate ka rai hadien ba ka la pynkut noh ia baroh kijingtian bishar mynta ka sngi hat majai.
Lah ban kdew ba ha ka lah sngi u Blei, ka CBI ka la dep phah ia ka ripod jong ka halor ka jingkynnoh ba la leh tuh ia ki mark da ka MPSC. Lahr uh ban kdew ba ia katei ka kam ka High Court ka la hukum da ka tohkit CBI ia katei ka jingthung kam hadien ba ak la don jingsma ba ka jingpynrung kam MPS ba la leh da ka MPSC ka don jingartatien.
Ia kate ka hukum ka High Court ka la pynmih hadien ba uwei na ki nong aplai ia katei ka kam u Millon Ch, Momin, uba la lah lut ban pyndep ia ka physical efficiency test, preliminary written examination, bad kawei pat ka written test kaba la pynlong naduh ka 8 tarik haduh ka 16 tarik u nailur,hynrei um shym la ioh rung ha katei ka kam.
La khot personal interview ia utei ha ka 15 tarik u nohprah, 2014 hynrei haba la pynbna ia kiba ioh kam ki don 34 ngut bad ka kyrteng jong u kam paw satia. Kham hadien u la lap ba u ioh mark 874 mark kaba kham heh ban ia ka mark ba ioh da ki 4 ngut kiba ioh kam kata 867, 820, 815 bad 814 mark.