Mynta yn pynlong Dorbar kyrpang ka KHADC halor ka VAB

Shillong, 29 Jymmang:
Lashai ka sngi ka 30 tarik u jymmang kan long ka dorbar kyrpang jong ka KHADC ban ia kren halor ban pynbeit ia ki katto katne tylli ki mat jong ka Village Administration Bill kiba ka sorkar ka phah pynbeit bha. Ia katei ka dorbar la bthah da u Lat ka jylla ia ka Chairperson ka KHADC ban lum ia ka dorbar kyrpang ban ia kren halor katei ka mat.
Ka PDF ka la pyn khreh ba hadien ba la dep pass ia katei ka jingpynbeit thymmai ia katei ka Bill ha ing dorbar kan sap hah noh wut wut sha ka tnad DCA bad la iohi jingtip ba ka DCA ruh kan phah noh wut wut sha u Lat ka jylla lashai hi ka sngi ba un mynjur. Lah ban kdew ba ia ka dorbar kyrpang la lah ban pynlong lashai ka sngi namar ka jingleit kyrpad u CEM ka KHADC sha u Lat ka jylla ba un khot dorbar kyrpang hadien ba ka ARPA kam treh bad kam mon ban pynlong Dorbar.
Lah ruh ban kdew ba ia katei ka Bill ka sorkar ka la pynphai sha ka KHADC la laisien kynthih bad ka la bthah ba ka hap ban pynbeit bha ia ki kyntien ba la thoh ha katei ka bill kaba la don 17 tylli ki mat, bad hadien kata ka la bthah ba kan phah biang sha ka sorkar ba kan peit bad bishar bniah shuwa ba kan mynjur bad ban phah sha u Lat ka jylla.