Mynta yn pynbam smai ka KHNAM

Shillong,28 Naiwieng:
Lashai ka sngi ka 29 tarik u naiwieng ka KHNAM kan pynbam smai ia ki kyrtong jong ka ki ban ia khun ha kane ka elekshon shiteng samoi ba kin ym phet seng kumba la ju leh kiwei pat tang mar ia jop elekshon. Ha East Khasi Hills ka KHNAM ka don 2 ngut ki kyrtong kata ha Laban-Mawprem konstitwensi u bah Bankhraw Kharbuli bad ha Nongkrem konstitwensi u bah Edar Nongbri, katei ka jingpynbam smai kan long ha u Mot Soso Tham ba don ha State Central Library.
Lah ban pynkynmaw ba ka KHNAM ka la leh kumjuh shuwa ka MDC 2014 ruh ha kaba ka la pynbam smai ia ki kyrtong MDC jong ka ba kim dei ban phet seng hadien ba la jop ia ka elekshon hynrei tang hadien shisnem tam ar ngut ki MDC jong ka ki la phet seng noh bad kitei ki dei u bah Process T Sawkmie bad u bah Latiplang Kharkongor, u bah Sawkmie u la phet sha ka seng Congress katba u bah Latiplang pat um pat pyniasoh bad kano kano ka seng saiñ pyrthei.