Mynta yn mih paidbah, ki nongtrei bording, na ka ain ha Parliment

Shillong:Ka Coordination Committee of Registered MeECL Association and Unions (CCORMAU), ka la rai ha ka jing iakynduh kaba mynhynnin ka sngi, ba kan pyntreikam ia ka rai, kaba ki la shim ha ka jingialang jong ka National Coordination Committee of Electricity Employees and Engineers (NCCOEEE), kaba la dep rai ha Delhi, ha ka 2tarik Nailar 2022 bad ba kin pyrshah ia ka Electricity (Amendment) Bill 2022, kaba aiti sha ki riew shimet, ia ka tnat bor ding bad ba yn leit rah, ha ka 8tarik Nailar 2022 ha Parliament.

Kum ka jing sngew pyrshah ia katei ka rai, ki nongtrei ka MeECL bad ki Engineer, kin mih na ki jaka trei kam jongki mynta ka sngi, ka 8tarik Nailar bad ban ialum paidbah, lem bad ki banner, ki placard, ha ryngkat bad ki nongtrei jong ka tnat bor ding ha kylleng ka Ri bad katei ka jing ia lum paidbah, kan long, na ka bynta shi kynta lane ar kynta; tangba ka jingiakhih, kan nym pynthut satia ia ka jingiaid ka bor ding sha ki riew paidbah. La ong ruh ba lada ka don kano kano ka jingthmu kaba shakhmat, kumta kan iaid ha ryngkat bad ka jing ia mynjur lang bad NCCOEEE, ong ka kyrwoh na U bah PK Shullet President bad U Bah BK Nongkhlaw, General Secretary, CCORMAU.