Mynta yn lum ka NEHUSU ia ki samla

Shillong: Ka North Eastern Hill University Students Union (NEHUSU) kan sa pynlong ïa ka jingialang bad ki samla pule B.A.5th Semester mynta ka sngi nyngkong ban iakren kumno ban leh hadien ba kine ki samla ki shah ktah na ka jingai mark jong ka NEHU.
Ka NEHUSU kan shong ia ka jingialang bad, lah sngewthuh ba kan sa pynbud da ka jingiashong kyllaiñ myngor ha ka sngi kaba bud.
Katkum ka NEHUSU, ki don palat spah ngut ki samla pule BA 5th Semester, kiba la wan iakren bad ka Union halor ka jingai marks thurmur jong ka NEHU. Kumba 151 ngut ki samla pule ki dei na ki College bapher bapher kila wan ban pyn paw ïa ka jingshem jong ki ha ka seng.
Ha kajuh ka por, ka Meghalaya College Teachers Association (MCTA) kala phah ïa ka jingthoh sha ka University ba pynpaw ïa ka jingbynniaw halor kane ka jingleh thurmur.