Nongstoiñ: Ka Seng Hima Nongstoiñ Land Owner Coal Trader & Producer Association (HNLOCT&PA), ka la rai ban lum da ka jingialang kaba kyrkieh mynta ka sngi, ban iakren halor ka jingbym pat ioh satia ia ki challan ban khaii dewiong.
Katkum ka kyrwoh khubor na katei ka Seng la ong ba ia katei ka jingialang yn pynlong hapoh ka hall jong u Syiem ka Hima Nongstoiñ bad ka Seng kala bthah ia baroh ki dkhot ki nong khaïi ki trai par ba kin wan baroh khnang ba ka jingiapyrkhat kan shai ha kaba iadei bad ka jing bym pat ioh challan ban kit ia u dewiong.
Shuh shuh ka kyrwoh khubor ka ong ruh ba naduh ba ka îing kashari Supreme Court ba don burom ka la ailad ban kit biang ia u dewiong ba la dep tih, hynrei haduh mynta ia ki challan ym shym pat la ioh satia.