Shillong:Ka National Peoples Party (NPP), ka la jop da 26ngut ki MLA, ha kane ka kynti kaba mynta, katba ka UDP, ka jop 11ngut, nangta ka Congress bad ka TMC, mar 5ngut, ka BJP 2ngut, ka HSPDP 2 ngut, ka PDF 2 ngut, ka VPP 4ngut bad ki dkhot shimet arngut.
Kat haduh ka por, ba thoh ia kane ka khubor, kam pat shai satia, ia ka seng ka ban thaw sorkar, wat la ka don ka jing iakren, ba ka NPP, kan lah ban iatreilang bad ka BJP lem bad ki katto katne ki MLA shimet ne ki seng sain pyrthei.
U Conrad Sangma, nongialam ba heh duh jong ka NPP, ula telephone ia U Amit Shah, myntri korbar ri ka sorkar India, na ka bynta ban pan jingkyrshan na ka seng BJP, ha kaba thaw ia ka sorkar thymmai ha ka jylla.
U Himanta Biswa Sarma, myntri rangbah ka Assam,a u thoh ha ka twitter jongu, ba U Conrad Sangma, ula telephone ia u Amit Shah, myntri korbar ri, ha kaba ula pan ia ka jingkitbok jongu Shah, na ka bynta ka sorkar thymmai, kaba ka NPP, kan thaw ha ka jylla.
U Conrad, ula iakynduh hynnin ka sngi, ia U Sarma ha Guwahati, ha kaba ki la iakren halor ka jing iatreilang ka NPP bad ka BJP, ha kane ka sorkar thymmai.
Kiwei pat ki lad khubor, ki iathuh ba ka NPP, ka lah ban thaw sorkar synrop bad ka BJP, HSPDP, PDF lem bad ki 2ngut ki MLA shimet.
U Conrad Sangma, nongialam ba heh duh jong ka seng NPP, un leit iakynduh ia u Lat mynta ka sngi, ha ka por 11baje mynstep, na ka bynta ban kam, ban thaw sorkar ha Meghalaya.
Ka NPP,BJP KI DEI BAN KHOT thaw SORKAR LANG IAKA HSPDP,PDF BAD ki Independent khnang ban Ioh IAKA SORKAR BA SKHEM BAD NEH 5 sem PURA.