Mynta yn iakynduh ka JACATAM

Shilling, 20 Nailur:
Ki nongialam ka JACATAM kin iakynduh lashai ka sngi Saitjain ban iapyrkat ia ka jingbthah u Myntri Rangbah u Mukul Sangma ban leit iakren bad u Chief Secretary.
Ka khubor na ka JACATAM ka iathuh ba ki la ioh ia ka jingtip ba u Myntti Rangbah u la bthah ban leit iakynduh ia u CS van iakren ia ki jingeh jongki kumba la pynsngew ha kine ki sngi.
“Ngin iakynduh lashai 11 baje ban iakren iapyrkhat halor ka jingbthah u Mukul ban iakynduh ia u CS”, la ong ka khubor na ka JACATAM.
Lah ban kdew ba ki nonghikai hapoh ka lama ka JACATAM ki la byrngem ban pynlong ia ka jingiaid paidbah lada ka sorkar kam khot iakren shwa ka 23 tarik.
Ki la rai ruh ban pynlong ruh da ka jingsangeh khlem buh por naduh ka 24 tarik ter ter lada ka sorkar ka dang leh mynthi hi.
Kham mynshwa ki la pynkut ka jingiadei bad u Dr Roytre C Laloo uba peit ia ka tnad pule puthi namar ka jingleh kuman bad leh meng ban khlem khot iakren watla ki nonghikai ki la pynlong ia ka jingiakhih bad shwa ia kata, ki la kyrpad ba un khot iakynduh.