Shillong: Hadien ba la ioh mynsiem na ka jingiakhun ia ka Jamshedpur ba la dep, ka Langsning ka la pynkhreh na ka bynta ban iakhun lashai ka sngi Nyngkong ia ka MohammedanSporting ha ka Group C jong ka lympung 2nd division league.
Ka jingialehkai kan long ha ka por 3:15pm. Ka jingialehkai lashai ka long kaba donkam haduh katta katta ia ka Langsning ba kan ioh ia ka jingjop khnang ba kan pynthikna ialade ban poi sha ka thong ha kane ka lympung.
Ka la kamai 7 point haduh mynta hadien ba ka la jop ar sien, iakhaid shi sien bad shah rem shisien.
Ka Mohemmedan ka la wan phai sha kane ka lympung hadien ka lympung I-League ha u snem 2013-14.
Ka la jop ar sien ha ka jingialehkai ha la iing hynrei ka shah rem ha ka TRAU. T
Na ka liang u coach ka Langsning u Bah HeringShangpliang u la ong ba ka jingialehkai bha ki khynnah ka la wanrah ia ka jingjop ha ka jingiakhun ia ka Jamshedpur bad kyrmen ba kane kajuh ka mynsiem kan neh ha ka jingialehkai lashai ka sngi.
Na ka bynta ka jingialehkai lashai ka sngi, u Bah Hering u la ong ba un hap ban bishar bniah ia ki nongialehkai kumno ban sei madan namar ba ka jingiakhun ka long kaba kongsan bha.