Shillong: Ka Shillong Lajong FC kan pdiang ia ka Gokulam Kerala FC mynta ka sngi, ha ka jingiakhun kaba khyndai sien jongka ha la iing ha kane ka lumpung I-League 2018/19 kaban long ha JN Stadium Shillong por 5PM.
Ia ka tiket lah ban ioh na Mobile Centre, Khyndai Lad bad na SSA Counter Polo naduh ka por 10 AM.
Ka Shillong Lajong ka dang sah sa lai tylli ki jingialehkai ha kane ka lumpung, kata pyrshah ia ka Gokulam Kerala, Aizawl FC bad ia ka Mohun Bagan bad ka donkam ban khur lai point na kine ki jingialehkai namar ba ka don hapdeng ka jingma.
Ia mynta ka Lajong ka don ha trai duh ka miej iakhein point bad kan iakhun ia ka Gokulam Kerala FC kaba don haneng khyndiat ia ka Lajong ha ka miej khein point jong kane ka lumpung kaba kamai 13 point.
U Coach ka Lajong u bah Alison Kharsyntiew u la ong ba kin ialehkai tyngeh lashai ka sngi ban khur ia ka jingjop namar ba ka dei ka jingialehkai kaba donkam bha ia ki.
Katba u coach ka Gokulam Kerala u Gift Raikhan u la ong ba ka Gokulam ka la don jingkyrmen ban rah ia ka lai point na ka jingialehkai lashai ka sngi.
Phi don ban ong eiei?