Shillong: Ka Shillong Lajong kan leit ban iakhun sha Punjab pyrshah ia ka Minerva Punjab FC ha ka 7 tarik Rymphang ha madan Tau Devi Lal, Panchkula ha Chandigarh por 2 PM. Ka jingialehkai yn sa pyni live ha Star Sports 2/Star Sports 2 HD/Hotstar App/Jio TV.
Ha ka jingiakhun ha kane ka sngi Saitjain, ka Lajong ka la shah rem 3-0 kol ha ka Mohun Bagan ha Shillong.
Ka Lajong ka kamai 17 point da kaba don ha ka kyrdan kaba san da kaba jop san sien iakhaid ar sien.
Ka Shillong Lajong ka la ialehkai 7 sien shabar na la iing bad ka la jop tang ar sien.
“Kan long kaba jwat ia ngi hynrei ngi kyrmen ba ngi long kiba la khreh ban iakhun ban rah ia ka thong”, la ong u Bah Alison Kharsyntiew.
Ka Minerva ka don ha ka kyrdan baar da kaba kamai 26 point na ka 12 tylli ki jingialehkai.