17tarik, yn ïakhih ka VPP, da kaba ia shong ha khmat Secreteriat

Shillong:Na ka daw ka jingmynthi bad leh bym suitñiew jong ka sorkar MDA 2.0 ba lam khmat da ka NPP ïa ka jingdawa ban pyn sahngeh ïa ka jingthungkam katba ym pat lah ban bishar bniah ïa ka polisi bhah thungkam bad ka roster system da ka expert committee, ka Party kan pynlong ka jingïakhih da ka ba shu ïa shong ha jaka ïeng kali hajan Additional Secretariat ha ka 17 tarik Jymmang 2023 naduh ka por 10 baje mynstep haduh 4 baje janmiet.

Kumta la īawer ïa baroh ki nongtrei jong ka Party bad ki paidbah ban ïa wan sha katei ka prokram jingïakhih ba la pynbeit ka Party. “Ngi dei ban kynmaw ba kane ka sorkar lamkhmat da ka NPP ka ïaleh ban leh kyllut ïa ka rukom pyrkhat ba shongnia, ïa ka hok ka sot bad ka ka jingeh jong ki paidbah. Ïa kiwei pat ki prokram ïa khih yn pynbna pat kham hadien”, ong ka kyrwoh na u Dr. Batskhem Myrboh Nongaiktien
VPP.