Mynta yn ia kynduh ki Rangbah Shnong bad U Mukul

Shillong, 4 Naiwieng:
Na ka daw jong ka jingthmu jong ki paidbah hapoh ka jingialam ki Rangbah Shnong, ban leit tur beit ban tur sha Secretariat lashai ka sngi ka 5 tarik u naiwieng; kumta ki bor Distrik jong ka East Khasi Hills ki la pynjari da ka section 144CrPC ha katei ka sngi ha kaba la mana ba ym bit ban ialang briew palat ia ka 5 ngut ha ka jaka kaba hap hapoh 200 mitar ka jingjngai na Secretariat.
Ha katei ka jing mana ka bor district ka la pynbna ba yn ym shah iano iano ruh ban pynwit ia ka leit ka wan ki kali ha surok bah lane ban rah ia kino kino ki tiar pynmynsaw ha ka jaka kaba don sawdong ka secretariat.
Ia katei ka hukum la pynbna ba la pynmih hadien ka jingioh jingtip ba ka Synjuk Ki Nongsyn shar Shnong ka Bri u Hynniewtrep kin leit shong lymbung ha khyr dop bah ka Secretariat. Ha katei ka sngi ka bor Distrik ka la pynbna ruh ba kan dei ka sngi tyrkhong kyiad bad la mana ba baroh ki dukan die kyiad ki dei ban khang lut ha katei ka sngi.
Lah ban pynkyn maw ba ha ka 30 tarik u risaw ki Rangbah Shnong ki la pynbna ba kin leit ban shong lymbung ha khyrdop bah ka Secretariat ryngkat ki phew hajar ngut ki paidbah lada ka sorkar kam sngap ia ki jingdawa jong ki bad lah ruh ban pynkynmaw ba dang ha kine ki ar sngi ba ladep, ka la pynthikna ba katei ka jingleit shong lymbung kan iaid beit kumba la pynbna.
Kham hadien la ioh jingtip ba u myntri rangbah ka jylla un ia kynduh ia ki Rangbah shnong ha ka por 12 baje shiteng sngi lashai ka sngi ha Secreteriat. La phah jingtip ia ki nongthohkhubor ba ki lah ba leit sngap ia ka jingiakren, wat la ym shym la shah ba kin kren eiei ha katei ka jingialang lane ban kylli eiei ban pynwit ia ka jingialang tad haduh ban da dep ka jingialang namar ba yn sa kren pat ia ki hadien ba la wai ka jingialang ha kaba ki lah ban kylli jingkylli laitlluid katba ki sngew mon ha ka jingiadonlang u myntri rangbah bad ki nongialam ka Synjuk Ki Rangbah Shnong. Ha ka jingpynmih khubor mynta ka sngi, na ka liang jong ki Rangbah Shnong, ki la ia wer ia u paidbah, ba kin ia poi beit beit sha ka jing ia kynduh lang ha Laban Sports Club, Madan Laban kaba don hadien ka Laban Red Cross ha ka por 10:30 baje mynstep, wat la kim shym la kren shai shuh eiei mynta ka sngi, la kan dang don ne em, kata ka jing ia iaid paidbah sha khmat Gate Secretariat main Building kumba la rai ha ka 30 tarik U Risaw, 2015 ha ka Procession Bah.