Mynta yn ai Sanad ka JHADC ia ki Rangbah Shnong

Jowai, 23 Jylliew:
Ka JHADC mynta ka sngi 24 tarik kan ai Sanad ia baroh ki Rangbah Shnong ba la ithuh da ka JHADC ha ka jingialang kaban long ha Chutwakhu Indoor Stadium.
Kane ka jingai Sanad ia ki Rangbah Shnong ka long hadien ba ka ain Rangbah SHnong, Dolloi ka la long ain hadien ba la mynjur da u Lat ka jylla.

Mynta ka sngi, ki rangbah dong na ki 6 tylli ki dong kiba hap hapoh Ladthadlaboh, ki la leit ia kynduh ia u CEM ka JHADC halor ka jinglyngngoh jong ki ba kim shym la paw kyrteng lait noh tang u ma LD Lakiang uba dei u Rangbah Shnong ka Ladthadlaboh Dorbar Shnong
Kane ka long namar ha ki por barim ka Ladthadlaboh ka hap tang hapoh kawei ka jingsynshar jong u Rangbah Shnong, hynrei suki suki ka la nangheh nangiar bad bun ia ki nongshong shnong kiba la wan buhai shnong na kylleng ka Jaintia sa mih kiwei kiwei ki kyntoit kum ka Mooralong, Lumpariat, Mookyrdup, Dongmihsngi, Carolyne, Mookyrdup bad Tyndowapung.
Kane ka la wanrah ia ka jingkulmar ha u pud u sam bad kumjuh ha ka jingiadei bad ka jingsynshar shnong. Hadien ka jingiakynduh ia u CEM ka JHADC, na ka liang u CEM u ma Thombor Shiwat u la rai ban pynsangeh shwa ka jingai Sanad ia u ma LD Lakiang katkum ba la buh lashai ka sngi.