Mynta thep vote biang ar jaka

Shillong, 25 Rymphang:
Lashai ka sngi, kan don ka jingthep vote biang ha ki ar jaka bad kawei kan dei ha ka jaka thep vote jong ka Phyllut bad Mawkhan Wahkhwang, kaba hap ha ka 40-Marngor Polling Station jong ka 24-Pariong-Mawthadraishan District Council Constituency bad kawei pat kan dei ha ka jaka thep vote ha Umladang, kaba hap ha ka 3 Nartiang Constituency jong ka Jaintia Hills District Council.
Ka jingthep vote, na bynta ka Phyllut bad Mawkhan Wahkhwang, ka dei na ka bynta ba katei ka shnong, ka jah kyrteng, na ka thup jong ki nong thep vote, ha katei ka Constituency jong ka 24 Pariong Mawthadraishan, katba ha Umladang jong ka 3 Nartiang, ka dei na ka jingleit pynpait ia ka mashin EVM, hynnin ka sngi thep vote.