Mynta thep kyrteng u bah Mansturdy bad u bah James

Shillong, 7 Naitung:
Ha ka 9 tarik u nai tung kan don ka dorbar kyrpang ka KHADC na ka bynta ban jied ia u Chairman thymmai katei ka Council hadien ba ka kong Teilinia Thangkhiew ka la risain noh kum ka Chairperson. Lashai ka sngi pat ki kyrtong ki ban ia aireng ha katei ka elekshon kin thep kyrteng bad u bah Mansturdy Nongrem un dei u kyr tong na ka PDF ban ia khun ha katei ka elekshon, katba na ka liang ka ARPA pat kan dang hap ban shong jingialang mynta ka miet ban rai ia u kyrtong ba kan phah ban ia khun ha katei ka elekshon. Hynrei ki tyllong khubor ki la iathuh ba ka ARPA kan phah da u bah James Ban Basaiawmoit ban ia khun ia katei ka shuki Chairman, la ong ba u bah Basaiawmoit haduh ba thoh ia kane ka khubor u bah Ban Basaiawmoit um pat lah rai la un thep kyrteng ne-em kumba la tyrwa ka ARPA namarba u sngew artatien ba ka ARPA ka la don lypa ha ka jingrit paid kaba un ym lah ban poi sha ka thong ban jop.
Namar katei ka jingsngew artatien u bah Basaiawmoit la ong ba ka ARPA sa shisien biang kan shong pyrkhat lashai mynstep la kan phah kyrtong ne-em ban ia khun elekshon, ki lad khubor ki la iathuh ruh ba lada ka ARPA kan thep kyrteng kan ym weng kyrteng shuh shuwa ka elekshon kumba ju long mynshuwa ha ki por ba la dep , hynrei kan ia khun elekshon beit lada ka rem ne jop , hynrei ia ka rai kan shim lashai la kan thep kyrteng ne-em bad la sngewthuh ba shisien ba ka la thep kyrteng kan ym weng kyrteng shuh ha ka por ia khun elekshon.