Mynta sdang ka dorbar Jylla

Shillong, 15 Nailur:
Ka dorbar jong ka Meghalaya Legislative Assembly kan sdang lashai ka sngi ka 16 tarik Nailur kaban neh haduh ka 23 tarik.
Ha kane ka dorbar ki dkhot ka liangpyrshah ki la pynkhreh ban wanra da ki kynja rai halor ki mat ba kham kongsan kum ka jingbym don pisa ka sorkar, ka jingmih ka kynrum kynram ia ki bor synshar shnong, ka koit ka khiah bad kiwei ki mat ba ktah ia ka jylla.
Hynrei ha kajuh ka por, katto katne ki dkot ka liangpyrshah ki la pynpaw ia ka jingsngew bynniaw ia ka jingbuh dorbar tang khyndiat sngi namar ba ka dorbar kan long tang ha ka 16, 17, 21, 22 bad 23 tarik. Ka 16 bad ka 23 tarik kin nym ioh ban iakren eiei namar ba la buh prokram tang ia ki kam ka sorkar.