Mynta sa ka pali u ksew, ban iakhun pyrshah ia ka corona

Ka jingpang coronavirus, ka la pyn kulmar jingmut lut ia ki stad jong ka pyrthei ha kine ki sngi, namar ba kim lah shuh ban teh lakam ia ka jingkhlain bor jong katei ka jingpang ha satlak pyrthei.

Ha katei ka kutlad, mynta ki pyrshang ban ailad noh ia u ksew, ba un wad jingstad ban thwet ia katei ka jingpang kynsha.

Kawei pat ka khubor, ka iathuh ba ka University of Pennsylvania, ka dang pyrshang mynta ban wad ia ka buit thymmai bad katei ka long, ban phah wad noh ha ki ksew ia ka jingpang coronavirus disease. Ka jing hikai, ka dang iaid shakhmat, ban pyntbit ia ki ksew, ba kin sngewthuh ia ki briew kiba don ia katei ka jingpang, lane ia ka jaka, kaba ki don kitei ki briew kiba pang, ong ka kotkhubor jong ka Washington Post.