Mynta pynkhuid ia ka sor Nongstoiñ

Nongstoiñ, 28 Iaiong:
U Deputy commissioner West Khasi Hills District Nongstoin, u Arun Kumar Kembhavi, u ba dei ruh ha kajuh kapor kum u chairman jong ka Nongstoin Town Committee (NTC), u la pyntip bad pynbna paidbah ba ka Nongstoin Town Committee (NTC) ha ryngkat ka jingiasnoh kti lang bad ka Dorbar shnong New Nongstoin lem bad ka Upper New Nongstoin, kan sa pynlong ia ka jingpynkhuid ia ka shnong Nongstoiñ.
U DC u la iathuh ruh ba ia katei ka jingpynkhuid shnong yn pynlong lashai ka sngi ka 29 tarik Iaiong ka ban sdang naduh kapor 8.00 AM shaneng bad yn sdang ia ka jingpynkhuid na khmat jong ka Iew Nongstoiñ, bad hadien ka jingiapynkhuid shnong kan don ruh ka jingialang pynsngewthuh paidbah ia ka yn wan sam da ki ophisar ka Meghalaya State Pollution Control Board.
Kumta na ka liang jong u DC u la kyntu ia baroh ki jaka pule ba kynthup naduh ki skul ki colllege, ki tnad sorkar bapher bapher kiba don hapoh ka sor Nongstoin ba kin sngewbha ban iamih paidbah ban ia pynkhuid shnong bad kumjuh ruh ban wan iashim bynta lang ha katei ka jingialang ai jingpynshai paidbah na ka bynta ban pynlong ia ka sor Nongstoin kaba khuid ba suba bad kaba jyrngam.