Mynta niew vote mano ban jop

Shillong, 15 Nohprah:
Ka jingniew vote ia ki 7 tylli ki MDC konstitensi jong kane ka elekshon shiteng samoi kan long lashai ka sngi naduh ka por 8 baje mynstep.
Ia ka 1-War East MDC Constituency niew ha Amlarem Civil Sub Division, katba ia ki Constituency ka KHADC yn niew ha JN Stadium, ki ar tylli kiba hap hapoh jong ka Mairang Civil Sub Division ka Mairang – Nongkhlaw bad ka Pariong –Mawthad Raishan yn niew ha Mairang bad ia ka Rambrai-Jyrngam pat yn niew ha Tyrsem Hall ha Nongstoin.
Ka UDP, Congress, NCP, HSPDP, bad ka BJP ki la sei ia ki kyrtong ha kane ka jingiakhun bad baroh ki la ia ap kmang ban ioh ia ka result lashai ka sngi.
Katkum ka jinglum jingtip, ka UDP ka lah ban jop na Nongkrem, Mairang, bad Pariong,katba ka HSPDP kan rah na Rambrai, ka Congress na Sohiong, bad ka NCP na Laban, bad kawei kata na War East ka lah ban leit sha u kyrtong shimet.