Mynta niew vote ha Chokpot

Shillong, 29 Jylliew:
Ka jingniew vote na ka bynta ka elekshon shiteng samoi jong ka Chokpot constituency kan long lashai ka sngi. Ha kane ka jingiakhun, ki don saw ngut ki kyrteng ba kynthup ia Saw ngut ki kyrteng ki la iakhun ha kane ka elekshon kynthup ka Bluebell Sangma na ka Congress, u Philipole Marak na National Peoples Party (NPP),  ka Kalpana Marak ka lok u Clifford Marak na Garo National Council (GNC)  bad  Thinkerman Marak kyrteng shimet.
Phra phew san percent ki paidbah nongthep vote ka Chokpot constituency ha South Garo hills district ki la wan poi ha ka elekshon shiteng samoi kaba la long ha kane ka sngi Saitjain.  Kane ka elekshon ka la long hadien ba u MLA u Clifford R Marak ka Garo National Council (GNC) u la khlad noh.
U Returning officer uba dei u Deputy commissioner u N Marak u la ong ba ka elekshon ka long kaba iaid beit iaid ryntih khlem kano kano ka jingshah pynthut ne ka jingjia.
U Marak u la ong ba ka jingwan baroh ki nong thep vote kan poi sha ka 80 – 85 per cent.
Na ki 46 tylli ki jaka thep, 44 tylli ki dei kiba don hapdeng ka jingma namar ka jingdon ki kynhun lehnoh. Ki don 24,219 ngut ki nongthep vote ha kane ka elekshon.