Mynta ki kynthei, kin hap shong samla kham slem, ka rta ia poi kha, ka dei 21 snem

New Delhi: Ka kynhun myntri jong ka sorkar India, myn hynnin ka sngi, ka la rai ban nang pynjlan shuh ia ka rta ia poi kha ki kynthei bad kata ka long, na ka 18 sha ka 21 snem ka rta, ong ki lad khubor.

Da katei ka jing pynjlan, kumta ka sorkar India, ka la pyntrei kam ia ka jingkren jong U Narendra Modi, myntri rangbah duh, kaba ula kren ha Red Fort, ha U Nailar 2020, ha ka jingrakhe ia ka sngi laitluid jong ka Ri.

Mynta ki shynrang, ki lah ban ia poi kha ha ka rta kaba 21 snem bad ki kynthei, ha ka rta kaba 18 snem bad lyngba katei ka ain thymmai, ka sorkar, ka la hap ban wan rah ia ka jing kylla ha ka Prohibition of Child Marriage Act, Special Marriage Act and Hindu Marriage Act, na ka bynta ban pyn iahap bad katei ka ain thymmai.

Katei ka dei ka ain, kaba la pyn urlong, lyngba ka jingai jingmut jong ka Jaya Jaitley jong ka Niti Aayog.