Mynta ka taiew lah ban mynjur u Lat, ban phiah Constituency

Shillong, 03 K’lyngkot:
U Lat ka jylla u KK Paul mynta u taiew u lah ban mynjur ia ka Delimitation Bill jong ka KHADC bad JHADC shwa ba ka kynhun Myntri ka sorkar jylla kan pynbna ia ka tarik Elekshon MDC ha ka jylla.
Katkum ka thymmei khubor ba la iohlum u Rupang u la ioh jingtip ba u Lat ka jylla lashai lashisngi u lah ban ai ka jing mynjur noh namar ba lada u pynslem ka jingthmu ban pynlong elekshon thymmai kan nym urlong.
“Ngi la ioh jingtip ba u Lat un ai noh ka jingmynjur lashai lashisngi”, la ong ka tyl long khubor na ka KHADC.
Na ka liang ka sorkar jylla ka la tynruh ia u Lat ba un ai noh ia ka jingmynjur ia kitei ki Bill ba la pas da ka District Council hadien ba u Lat u la pynslem wat ha ka jingshisha ka District Council ka la phah la slem ia kane ka Bill.
Lah ban kdew ba kham mynshwa u Lat u la phah biang ia kane ka Bill sha ka sorkar ba kan pynbeit bha ia ka jingbym biang.
Ka Dorbar kyrpang jong ka KHADC ka la pdiang ia katei ka Bill wat hapdeng ka jingpyrshah jong ki dkhot kynthup ki MDC ka KHNAM, bad katto katne kawei pat.
Ha kane ka Bill phiah Konstiwensi la pynduh noh ia ka Laitkroh bad la pynmih thymmai ia ka Umsning Konstiwensi bad ia ki shnong kiba pharia na ka Laitkroh la pynhap noh sha Sohra, Nongkrem, Mawkynrew bad Langkyrdem Konstiwensi.