Mynta ka sngi, yn shong kyllain myngngor, ki samla iakhun kam pulit

Shillong:Ki samla ba lah pyndep ia ka physical efficiency Test (PET) ba lah dep thoh ruh ia ka written test jong ki kam ba thylli hapoh Meghalaya police (M.L.P) ba kynthup naduh ki A/B)U /B)M. P.R.O bad kiwei kiwei ki lah dap da ka jing sngew diaw mynsiem ia ka jingpyn slem jong ka police department ban pynmih noh ia ka result jong ka written test examination ba ki lah dep thoh ha u bnai rymphang mynta u snem 2022.

Kine ki samla ki la iathuh ruh ba ka jingshong kyllaiñ myngngor ba shi sngi jongki ha khmat jong ka M.B.O.S.E ophis Shillong, kan long ha ka 19tarik Nailur 2022.

Kum shi bynta ban panbor ia ka sorkar ban pynstet ia ka result jongki namar kane ka jingkhot thungkam, ka dei naduh u snem 2019. Kumba long haduh mynta ka sorkar kam pat lah ban pyndap ia ki kam ba thylli ha ka tnat pulit jong ka jylla.Kine ki samla ha ka jingialam jong u samla Marwein u lah khot la wer ia baroh ki samla ban ia mih ryntih bad ia shim bynta lang kum ka dak ban pyn bor ia ka sorkar ba kan pynsted ia ka result ka jongki. U Samla Marwein u lah iathuh ba u la shim ruh ia ka kabu lyngba ki lad pathai khubor, ban pynsaphriang ia kane ka khubor khnang ba baroh ki samla kin wan ban ia shim bynta lang ha kane ka prokram jongki.