Mynta ka sngi, yn plie ki dukan reshon, ki dukan jhur, ki dukan doh

Shillong: Ka ophis jong ka Deputy Commissioner (East Khasi Hills), ka pyntip ba baroh ki dukan reshon, kin plie mynta ka sngi, naduh ka por 9baje mynstep haduh 5 baje janmiet.

Nangta ki dukan die mar bam ruh, kiba la ithuh da ka sorkar, kin plie hi ha katei kajuh ka por, ha ki bynta jong ka nongbah Shillong, katba ha ki nongkyndong, ia ka kam, yn pyniaid da ki BDO ha ryngkat bad ki Sordar, ki Rangbah Shnong, ong shuh ka khubor. La iathuh ruh ba kin don ki dukan die jhur, ki dukan die bad kiwei ha kitei ki shnong bapher.