Shillong: Hadien ba lah ioh ban pdiang ia kawei shithi ha ka janmiet jong ka 20 tarik u bnai Nailar 2021 kaba la thoh ba ia ki laitylli ki suloi Insas Rifle kiba la knieh na ki kti jong ki pulit jong ka Mawkynroh Outpost ha ka 15 tarik u bnai Nailar 2021 kaba long ruh ka sngi ba leit on tep donburom ia u General Secretary barim ka seng Hynniewtrep National Liberation Council(HNLC), u Bah Cherishsterfield Thangkhiew.
Ha katei ka shithi la thoh ba ki la don ki khynnah kiba dang hapoh 15-16 snem eiei ki la rah ia kitei ki laitylli ki suloi bad ki la don pat ki samla kiba lah iohi ia kane, da ka jingkitkhlieh ki la shim noh ia kitei ki suloi ba kitei ki khynnah ki la rah bad ha ka jingbym poi pyrkhat ki la bret noh ia kitei ki laitylli ki suloi sha ka Wahumkhrah na jingkieng Umpohliew, Jaiaw Laitdom bad ha katei ka shithi la thoh ruh katei ka jingiathuh kam dei satia ka khubor thok.
Kumta na ka liang jong ka tnad pulit ka East Khasi Hills District ka la pyntip ba kan sa phah noh da ki pulit ki ban ngam um ban pynlong ka jingwad ia kitei ki suloi ba la bret da kitei ki samla ha ka Wahumkhrah bad ia kane la pyntip da u Superintendent of Police(SP), u Bah Sylvester Nongtnger ha ka jingiakren lyngba ka phone bad ki bor pyniaid shnong jong ka Jaiaw Laitdom Dorbar ha ryngkat ka jingiadonlang jong ki bor pyniaid shnong jong ka Dorbar Shnong Mawlai Phudmuri kiba lah leit ban hiar bad khmih dalade ia ki bynta jong ka Wahumkhrah ha ka 23 tarik u bnai Nailar 2021 marsyn ioh jingtip halor kane.
Hynnin ka sngi, la don ka jingthoh, kaba la pynpoi ha ophis jong ki katto katne ki kotkhubor, ha kaba la don kiba kam, ba ia ki suloi, ba la leit shim na ka ktem ki pulit ha Mawlai Mawkynroh, la leit bret ha Wah Umkhrah.
Ha katei ka kotkhubor, la pyni ruh ia ka shithi, ba la thoh lem bad ki dur, ha kaba la thoh sha ki Rangbah Shnong, ka Mawlai Town Dorbar bad la iathuh ba ia kitei ki tiar siat, la shim na ki khynnah kiba kumba 15, 16 snem kiba iaid lynti ha Lawmali bad haba la iohi, ba ki rah suloi, la don ka jing sngew tieng, ioh ki pyndonkam bakla bad kumta la shim noh ia kitei ki suloi na kitei ki khynnah bad la leit bret ha Wah Umkhrah, ha ki bynta jong ka jingkieng Umpohliew, ka Jaiaw Laitdom, Jaiaw Polo link road.
“Ngi pan map, ba ngi khlem shym la pyrkhat bha, shwa ba ngin bret ia kitei ki suloi, namar ngi pyrkhat ia ka jingbha jong kito ki khynnah bad ngi sheptieng, ioh ki pyndonkam bakla” ong katei ka shithi.
Phi don ban ong eiei?