Nongstoiñ: Ka jingialehkai ka ban long mynta ka sngi ha ka lympung Rani Motor’s Knock out Football Tournamement 2018 bala pyniaid da ka Laitkseh Sport Club (LSC), kan long ha pdeng ka Markasa SC pyrshah ia ka Sawmer SC.
Ka jingiakhun ka ban long ha pdeng kitei ki ar tylli ki kynhun kan sdang ha kapor 2:00 PM ha ka madan Mawkynjoin Laitkseh, ka kynhun jong ka Markasa SC kadei kaba ka thaiñ West Khasi Hills katba ka Sawmer SC kadei ka kynhun ialehkai kaba na East Khasi Hills District.
Kumta na ka liang jong ka LSC ka khot ka wer ia ki paid riew ieid phutbol jong ka thaiñ ba kin wan ban sakhi ia katei ka jingialehkai ka ban long ha pdeng kitei ki ar kynhun bad lah ruh ban ong ba ka jingialehkai khlem pep kan long kaba itynnad bha.