Shillong:Ka Department of Sports and Youth affairs, jong ka sorkar Meghalaya kan pynlong ia ka jingiaid paidbah jong ka kynhun ialehkai phutbol ka jylla ha ka 10 tarik lber, kum ka dak ka jing leh burom ia ka kynhun jong ka jylla ba la wan ha ka kyrdan ba-ar, ha ka lympung Santosh trophy jong u snem 2022-2023.
Ka jingiaid kan sdang ha ka por 2.30 baje janmiet, na Madan heh Mawlai phudmuri, Jaiaw jingthang briew, Jaiaw st joseph, Jaiaw lang sning, Jaiaw pdeng, Mawkhar main road motphran, Police bazar, A.G office, Additional Secretariat, Barik, Malki point, Dhanketi, Don bosco square, Laitumkhrah beat house, haduh madan iewrynghep, ha kaba yn pynkut ha ka por 4.30 janmiet.
Ka jingleh burom kan long ha madan iewrynghep, Laitumkhrah hadien ka jingiaiaid paidbah ha surok, ha ka por 4.30 janmiet, ha kaba u Myntri ki tnat kam ialehkai ka sorkar jylla u bah Shakliar Warjri, un don lang kum u kongsan ha katei ka sngi.
Phi don ban ong eiei?